Ахлах дата инженер

• Lakehouse платформын нэгдсэн хариуцлага: Группийн өгөгдлийн болон байгууллагын архитектурын стандартад нийцсэн нэгдсэн өгөгдлийн Lakehouse платформын архитектур, хөгжүүлэлт, гүйцэтгэл, найдвартай ажиллагааг бүрэн хариуцах; • Өгөгдөл татан нэгтгэх ба боловсруулалтын дамжлага: Группийн компаниудын эх үүсвэр системүүдийн өгөгдлийг нэгтгэх, өргөтгөх боломжтой багц болон урсгал боловсруулалтын ETL/ELT дамжлагыг төлөвлөн зохиох, хөгжүүлэх, хэвийн ажиллагааг хангах; • Өгөгдлийн загварчлал ба давхаргууд: Бизнесийн мэдээллийн шинжилгээ (BI), тайлагнал болон хиймэл оюун ухааны хэрэглээнд зориулсан найдвартай, шинжилгээнд бэлэн өгөгдөл бүрдүүлэх загвар, Lakehouse-ийн давхаргуудыг (тухайлбал, түүхий, цэгцлэн боловсруулсан, хэрэглээний) зохион байгуулах; • Өгөгдлийн чанар ба засаглал: Группийн өгөгдлийн засаглалын бодлогод нийцсэн өгөгдлийн чанарын хяналт, мета өгөгдөл, өгөгдлийн каталог, өгөгдлийн гарал үүсэл ба хувиргалтын мөрдөлт, хандалтын хяналтыг хэрэгжүүлэх; • Ашиглалт ба оновчлол: Платформын гүйцэтгэл, хүртээмж, зардлыг хянах, доголдлыг удирдан шийдвэрлэх, тасралтгүй оновчлох; • Хиймэл оюун ухаан ба аналитикийн хэрэглээг дэмжих: Шинжээчид болон өгөгдлийн администратортой хамтран BI, аналитик, хиймэл оюун ухаан ба машин сургалтын (AI/ML) санаачилгуудад зориулсан найдвартай, зөв бүтэцтэй өгөгдлийн багцыг бэлтгэн нийлүүлэх; • Техникийн багийн удирдлага: Өгөгдлийн инженерүүдийг удирдах, чиглүүлэн сургах, хөгжүүлэх, инженерчлэл болон кодын хяналтын стандартыг тогтоох, платформын ажлуудын хэрэгжилтийг удирдах;

• Мэдээллийн технологи, компьютерын ухаан, өгөгдлийн ухаан, инженерчлэл эсвэл холбогдох чиглэлээр бакалаврын зэрэгтэй, эсхүл түүнтэй дүйцэхүйц холбогдох ажлын туршлагатай; • Өгөгдлийн инженерчлэл эсвэл өгөгдлийн платформын хөгжүүлэлтийн чиглэлээр 6-аас доошгүй жил, үүнээс техникийн ахлагч эсвэл багийн ахлагчаар 2-оос доошгүй жил ажилласан туршлагатай; • Бодит ашиглалтын орчинд өгөгдлийн нуур (data lake), өгөгдлийн агуулах (data warehouse) эсвэл Lakehouse платформыг байгуулж, ажиллуулж байсан практик туршлагатай; • SQL, Python хэлний өндөр ур чадвартай, тархмал өгөгдөл боловсруулалт (Spark) болон нээлттэй хүснэгтийн форматтай (Delta Lake, Apache Iceberg эсвэл Hudi) ажилласан туршлагатай; • Өгөгдлийн дамжлагын ажлуудын дараалал, хамаарал, гүйцэтгэлийг зохицуулах болон өгөгдөл хувиргах хэрэгслүүд (Airflow, dbt), мөн өгөгдлийн хөгжүүлэлтэд CI/CD арга ажиллагаа ашигласан туршлагатай; • Өгөгдлийн загварчлал, өгөгдлийн чанар, мета өгөгдлийн удирдлага болон өгөгдлийн аюулгүй байдлын талаар мэдлэгтэй; • Бизнесийн болон техникийн оролцогч талуудтай үр дүнтэй хамтран ажиллах чадвартай; • AWS, Azure эсвэл GCP-ийн үүлэн өгөгдлийн үйлчилгээнүүдтэй ажилласан туршлагатай бол давуу тал болно. • Англи хэлийг албан хэрэгцээнд ашиглах чадвартай бол давуу тал болно.

• Мэргэжлийн болон үндсэн ур чадварын сургалтуудад хамрагдах; • Таван Богд Группийн 5-6 төрлийн сонирхлын клубүүдэд хамрагдах; • Ажилтанд олгох сар бүрийн купон буюу бараа бүтээгдэхүүн, үйлчилгээний эрх; • Хоол унааны хөнгөлөлт, эрүүл мэндийн даатгалд хамрагдах; • 2 сард нэг удаа эмнэлэгт үзүүлэх 4 цагийн цалинтай чөлөө;