• Борлуулалтын өдөр тутмын үйл ажиллагааг удирдан зохион байгуулах: Сувгийн борлуулалтын албаны өдөр тутмын үйл ажиллагааг хэвийн, тасралтгүй явуулах нөхцөлийг бүрдүүлж, ажлын төлөвлөлт, зохион байгуулалт, үүрэг даалгаврын хэрэгжилтийг ханган ажиллах.
• Борлуулалтын төлөвлөгөө, гүйцэтгэлд хяналт тавих: Батлагдсан борлуулалтын төлөвлөгөөний өдөр, долоо хоног, сарын биелэлтэд тогтмол хяналт тавьж, гүйцэтгэлийн зөрүүг тодорхойлон, зорилтот үр дүнд хүрэх арга хэмжээг зохион байгуулах.
• Борлуулалтын багийн гүйцэтгэл, бүтээмжийг удирдах: Харьяа ажилтнуудын ажлын хуваарилалт, үүрэг даалгавар, гүйцэтгэлийн үзүүлэлт (KPI)-д хяналт тавьж, шаардлагатай чиглүүлэг өгч, ажлын бүтээмж, сахилга хариуцлагыг сайжруулах.
• Борлуулалтын сувгийн үйл ажиллагаа, харилцагчийн хамрах хүрээг хянах: Борлуулалтын сувгуудын идэвхжил, харилцагчийн захиалга, бараа бүтээгдэхүүний борлуулалт, түгээлтийн уялдаа холбоонд хяналт тавьж, борлуулалтын тасралтгүй байдал, сувгийн үр ашгийг хангах.
• Үйл ажиллагааны уялдаа холбоог хангах, тулгамдсан асуудлыг шийдвэрлэх: Борлуулалтын явцад үүссэн хүндрэл, саад бэрхшээлийг шуурхай тодорхойлж, холбогдох алба, нэгжүүдтэй хамтран шийдвэрлэх, үйл ажиллагааг сайжруулах санал, санаачилга гарган хэрэгжүүлэх.
• Борлуулалтын үр дүнг хянах, тайлагнах, сайжруулалтыг хэрэгжүүлэх: Борлуулалтын гүйцэтгэл, орлого, харилцагчийн идэвхжил, ажилтнуудын бүтээмжид дүн шинжилгээ хийж, тайлан мэдээллийг удирдлагад тогтмол танилцуулан, үр ашгийг нэмэгдүүлэх арга хэмжээг зохион байгуулах.
• Боловсрол, мэргэжил: Эм зүйч мэргэжлээр бакалавр болон түүнээс дээш зэрэгтэй, бизнесийн удирдлага, борлуулалтын менежментийн мэдлэгтэй байх.
• Ажлын туршлага: Эм ханган нийлүүлэлт, эмийн худалдаа, борлуулалтын чиглэлээр 5-аас доошгүй жил, үүнээс борлуулалтын баг удирдах болон зохион байгуулах чиглэлээр 2-оос доошгүй жил ажилласан туршлагатай байх.
• Мэргэжлийн мэдлэг, ур чадвар: Эмийн бүтээгдэхүүн, эмийн зах зээл, борлуулалтын суваг, харилцагчийн удирдлага, түгээлтийн үйл ажиллагааны талаар мэдлэгтэй, борлуулалтын төлөвлөгөөний хэрэгжилт, гүйцэтгэлд хяналт тавих чадвартай байх.
• Удирдан зохион байгуулах чадвар: Баг хамт олныг удирдан чиглүүлэх, ажил үүрэг хуваарилах, гүйцэтгэлийг үнэлэх, асуудлыг шуурхай шийдвэрлэх, бусад алба нэгжтэй үр дүнтэй хамтран ажиллах ур чадвартай байх.
• Хэл, компьютерын мэдлэг: Бизнесийн болон мэргэжлийн англи хэлний зохих түвшний мэдлэгтэй, MS Office, борлуулалтын тайлан, мэдээллийн систем болон холбогдох программ хангамжийг ашиглах чадвартай байх.
• Хувь хүний хандлага, ёс зүй: Шударга, зарчимч, хариуцлагатай, мэргэжлийн өндөр ёс зүйтэй, харилцааны болон манлайлах ур чадвартай, ачаалал даах, багаар ажиллах, үр дүнд чиглэсэн хандлагатай байх.
Улаанбаатар хот|
1 цагийн өмнө
