Бизнес аналист

1. Эвент, төслийн бизнес болон санхүүгийн шинжилгээ хийх • Төлөвлөж буй болон хэрэгжиж буй эвент, арга хэмжээ, төслүүдийн орлого, зардал, ашигт ажиллагааг тооцоолох; • Эвент бүрийн төсөв, орлогын төсөөлөл, зардлын бүтэц, ашгийн түвшин болон хөрөнгө оруулалтын өгөөжийг шинжлэх; • Эвент хэрэгжүүлэх эсэх шийдвэрт шаардлагатай бизнес тооцоолол, санхүүгийн үндэслэл боловсруулах; • Алдагдалгүй ажиллах цэг (Break-even point), ашигт ажиллагааны босго болон боломжит санхүүгийн эрсдэлийг тодорхойлох. 2. Ирээдүйн эвент, бизнесийн боломжийг урьдчилан таамаглах • Ирээдүйд зохион байгуулагдах эвентүүдийн орлого, зардал, ашигт ажиллагааг урьдчилан таамаглах; • Өмнөх эвентүүдийн гүйцэтгэл, оролцогчдын тоо, тасалбарын борлуулалт, зах зээлийн эрэлт болон бусад холбогдох мэдээлэлд үндэслэн төсөөлөл гаргах; • Орлого нэмэгдүүлэх шинэ боломж, эвентийн төрөл, хамтын ажиллагаа, ивээн тэтгэлэг болон нэмэлт орлогын эх үүсвэрийг судлах; • Зах зээлийн чиг хандлага, өрсөлдөгчийн үйл ажиллагаа, хэрэглэгчийн эрэлтэд үндэслэн бизнесийн боломж, эрсдэлийг тодорхойлох. 3. Бизнес болон санхүүгийн төлөвлөгөө боловсруулах • Эвент, төслийн богино болон урт хугацааны орлого, зардал, ашгийн төлөвлөгөө боловсруулах; • Борлуулалт, орлого, зардал, ашигт ажиллагааны төсөөллийг хувилбараар тооцоолох; • Төлөвлөгөөт болон бодит гүйцэтгэлийг харьцуулж, зөрүүний шалтгаан, нөлөөллийг шинжлэх; • Төлөвлөгөөний хэрэгжилтэд хяналт тавьж, гүйцэтгэлийг сайжруулах санал, зөвлөмж боловсруулах. 4. Бизнесийн гүйцэтгэл, үр ашгийг сайжруулах • Эвент болон төслийн үр ашгийг хэмжих гол үзүүлэлтүүд (KPI) боловсруулах, тогтмол хянах; • Орлого нэмэгдүүлэх, зардал бууруулах, нөөцийн ашиглалтыг сайжруулах боломжийг тодорхойлох; • Үнийн бодлого, тасалбарын үнэ, борлуулалтын хувилбар болон нэмэлт үйлчилгээний өгөөжид шинжилгээ хийх; • Шинэ төсөл, үйлчилгээ, бизнес санаачилгын эдийн засгийн үр ашиг, хэрэгжих боломжийг үнэлэх. 5. Удирдлагыг мэдээлэл, дүн шинжилгээгээр хангах • Эвент, төсөл болон компанийн бизнесийн гүйцэтгэлийн тайлан, дүн шинжилгээ боловсруулах; • Удирдлагад зориулсан тооцоолол, танилцуулга, шийдвэр гаргалтыг дэмжих зөвлөмж бэлтгэх; • Холбогдох нэгжүүдтэй хамтран шаардлагатай мэдээлэл цуглуулах, нэгтгэх, дүн шинжилгээ хийх; • Шинжилгээний үр дүнд үндэслэн бизнесийн өсөлт, ашигт ажиллагааг нэмэгдүүлэх санал санаачилга гаргах.

• Санхүү, эдийн засаг, бизнесийн удирдлага, бизнес аналитик, статистик болон холбогдох чиглэлээр бакалавр болон түүнээс дээш зэрэгтэй; • Бизнесийн болон санхүүгийн шинжилгээ, төсөв төлөвлөлт, орлого-зардлын тооцоолол, ашигт ажиллагааны шинжилгээ хийх чадвартай; • Өгөгдөлд үндэслэн ирээдүйн гүйцэтгэл, орлого, зардал, бизнесийн боломжийг урьдчилан тооцоолох чадвартай; • Microsoft Excel программыг ахисан түвшинд эзэмшсэн, санхүүгийн тооцоолол, загварчлал боловсруулах чадвартай; • Тоон мэдээлэлд дүн шинжилгээ хийх, асуудлын шалтгааныг тодорхойлох, шийдэл санал болгох чадвартай; • Тайлан, танилцуулга боловсруулах, дүн шинжилгээний үр дүнг ойлгомжтой тайлбарлах чадвартай; • Бие даан ажиллах, мэдээлэл цуглуулах, олон төрлийн ажлыг төлөвлөн зохион байгуулах чадвартай. Давуу тал болох ур чадвар, туршлага • Бизнес аналист, санхүүгийн шинжээч, бизнес төлөвлөлт эсвэл FP&A чиглэлээр ажиллаж байсан туршлагатай; • Эвент, энтертайнмент, үзвэр үйлчилгээ, худалдаа үйлчилгээ, төсөл хэрэгжүүлэлтийн салбарт ажилласан туршлагатай; • Power BI болон бусад өгөгдөл шинжилгээ, дүрслэлийн хэрэгсэл ашигладаг; • Санхүүгийн загварчлал, хувилбарын шинжилгээ, хөрөнгө оруулалтын өгөөж (ROI), алдагдалгүй ажиллах цэгийн тооцоолол хийж байсан; • Шинэ бизнесийн боломжийг судалж, бизнес төлөвлөгөө болон эдийн засгийн үндэслэл боловсруулж байсан.

Бидний хайж буй ажилтан Бид зөвхөн өнгөрсөн хугацааны санхүүгийн үзүүлэлт тайлагнадаг бус, харин ирээдүйд ямар эвент ашигтай байх, ямар хэмжээний орлого олох боломжтой, хэдий хэмжээний зардал шаардагдах, бизнесийн өгөөжийг хэрхэн нэмэгдүүлэхийг тооцоолж чаддаг дүн шинжилгээний сэтгэлгээтэй, бизнесийн мэдрэмжтэй мэргэжилтэн хайж байна.