Хуулийн зөвлөх

Ажлын байрны зорилго: Компани болон клубуудын дотоод, гадаад үйл ажиллагаанд хууль зүйн дэмжлэг үзүүлж, хууль эрх зүйн эрсдэлээс урьдчилан сэргийлэх, спортын салбарын онцлогт нийцсэн гэрээ, дотоод журмын тогтолцоог бүрдүүлэхэд оршино. Гүйцэтгэх үндсэн үүрэг: • Гадаад, дотоодын тамирчин, дасгалжуулагч, ажилтантай байгуулах хөдөлмөрийн гэрээ болон бусад гэрээний загварыг спортын холбоодын дүрэм, журамд нийцүүлэн монгол, англи хэлээр боловсруулах, хэрэгжүүлэх; • Гадаад тамирчин, дасгалжуулагчийн ажиллах зөвшөөрөл, виз, оршин суух зөвшөөрөлтэй холбоотой асуудлыг хариуцах; • Компани болон клубуудын хоорондын үйлчилгээний гэрээ, клубуудын хувьцаа эзэмшигчдийн гэрээ, ханган нийлүүлэгчийн гэрээг боловсруулах, хянах; • Удирдлага, клубуудын багт өдөр тутмын хууль зүйн зөвлөгөө өгөх, шинэ хууль тогтоомжийн өөрчлөлтийг танилцуулах; • Холбоо, лиг, тэмцээн зохион байгуулагчаас ирүүлсэн гэрээнд эрсдэлийн дүн шинжилгээ хийж, хэлэлцээрийн санал бэлтгэх; • Ивээн тэтгэлгийн гэрээ, спортыг дэмжих татварын хөнгөлөлттэй хандивын гэрээг боловсруулах; • Брэнд, лого, барааны тэмдгийн лиценз; тамирчин, дасгалжуулагчийн дүр төрх, нэрийг ашиглах эрхийг зохицуулах; • Спортын академийн элсэлтийн гэрээ, эцэг эхийн зөвшөөрлийн маягт, хүүхэд хамгааллын бодлогыг боловсруулах.

Тавигдах шаардлага: • Хууль, эрх зүйн чиглэлээр бакалавр ба түүнээс дээш зэрэгтэй; • Хуульчийн сонгон шалгаруулалтад тэнцсэн байх; • Мэргэжлээрээ 3 ба түүнээс дээш жил ажилласан; • Иргэний эрх зүй, Компанийн эрх зүй, Хөдөлмөрийн эрх зүйгээр мэргэшсэн; • Англи хэлээр холбогдох хууль зүйн баримт бичиг, гэрээ боловсруулах, хянах ахисан түвшний мэдлэгтэй байх; • Эерэг зөв хандлагатай, багаар ажиллах чадвартай байх. Давуу тал болно: • Спортын салбарын байгууллагад ажиллаж байсан, эсвэл цаашид спортын салбарт карьераа хөгжүүлэх сонирхолтой; • Гадаадын иргэний хөдөлмөр эрхлэлт, виз, ажиллах зөвшөөрлийн асуудал шийдвэрлэж байсан; • Компанийн засаглал, харилцан хамааралтай этгээдийн хэлцэл, татварын асуудлаар ажиллаж байсан;