"Мимг"-Төгсөгч Бэлтгэх Хөтөлбөр

Бид удирдах шатны чадварлаг боловсон хүчнээ их дээд сургуулиудын залуу төгсөгч нараас сонгон “Төгсөгчдийг Бэлтгэх Хөтөлбөр”-өөр шалгаруулж авдаг. Хөтөлбөрийн оролцогч нар дэлгүүрийн касс бичихээс эхлээд удирдах шатны менежер хүртэлх бүхий л ажлуудыг өндөр стандартын түвшинд гүйцэтгэж суралцахаас гадна худалдааны бизнесийг том зургаар нь болон үйл ажиллагааны түвшинд хослуулан ойлгож, шийдвэр гаргах чадвар эзэмшдэг. Мөн цаашид компанидаа карьераа амжилттай босгож, өсөн дэвжихэд шаардагдах манлайлал, багийн ажиллагаа зэрэг олон практик чадваруудыг бид сургадаг. Хамрах хүрээ: Их дээд сургуулийн 3,4 дүгээр курсийн оюутан болон төгсөгчид оролцох боломжтой.

• Их дээд сургуулийн голч дүн 3.0 ба түүнээс дээш байх. • Хөтөлбөрт цаг заваа бүрэн зориулах боломжтой байх. • Цаашид тогтвор суурьшилтай ажиллах эрмэлзэлтэй байх. • Өөрийгөө хөгжүүлж, тасралтгүй суралцах эрмэлзэлтэй байх.

Монхангай группийн охин компаниудын нэг болох Миний дэлгүүр ХХК нь Монголдоо анхдагч Дискаунтер форматыг бизнестээ нэвтрүүлэн шинэ менежментээр ажиллаж байна. Миний дэлгүүрийн хамт олон нь байгууллагын үнэт зүйл болох ажилтнууддаа өрсөлдөхүйц цалин урамшуулал олгож, ая тухтай ажлын орчин нөхцөлөөр хангаж, эерэг хандлага, бүтээлч эрмэлзэл, мэдлэг, чадварыг дээшлүүлэх байнгын сургалт, арга хэмжээнд оролцох боломжоор ханган, өсөж дэвших бодлогыг эрхэмлэн ажилладаг Монгол улсын худалдааны салбарын манлайлагч компаниудын нэг билээ.